Нууцлалын бодлого

Хувилбар 2026-11-v1 · Ноорог: хуульчаар хянуулах шаардлагатай

Хэн хариуцах вэ

Үйлчлүүлэгчийн мэдээллийг реалтор (мэдээлэл хариуцагч) цуглуулж, Ai Global ХХК (мэдээлэл боловсруулагч) түүний өмнөөс хадгалж, боловсруулна. Хүний хувийн мэдээлэл хамгаалах тухай хуулийн 19 дүгээр зүйлийн дагуу энэ харилцааг үйлчилгээний нөхцөл-д тусгасан.

Ямар мэдээлэл

• Реалтор: нэр, и-мэйл, утас, компани. Нууц үгийг зөвхөн хэш хэлбэрээр хадгална.
• Үйлчлүүлэгч: нэр, утас, сонирхож буй байр, төсөв, дүүрэг, холбогдсон түүх, тэмдэглэл.
• Зар: байрны мэдээлэл, зураг (хаалганы дугаар, эзний нэр оруулахгүй).

Зорилго

Реалторт үйлчлүүлэгчтэйгээ холбогдох, тохирох байр санал болгох, ажлаа төлөвлөхөд туслах. Зар сурталчилгааны зорилгоор гуравдагч этгээдэд худалдахгүй, дамжуулахгүй.

Зөвшөөрөл ба гадаадын үйлчилгээ үзүүлэгч (хуулийн 14 дүгээр зүйл)

Мэдээлэл дараах гадаадын үйлчилгээ үзүүлэгчийн серверт хадгалагдаж, боловсруулагдана. Тиймээс үйлчлүүлэгчийн мэдээллийг зөвхөн тэдний зөвшөөрлөөр оруулна:

• Supabase: мэдээллийн сан, зураг (Сингапур)
• Cloudflare: вэб сервер
• Anthropic (Claude): реалтор өөрийн Claude бүртгэлээр хандах үед (АНУ). Утасны дугаарыг анхдагчаар нууцалж харуулна.

Хамгаалалт

• HTTPS шифрлэлт; реалтор бүрийн мэдээлэл мэдээллийн сангийн түвшинд тусгаарлагдсан (row-level security).
• Өөрчлөлт, утасны дугаар харсан үйлдэл бүр түүхэнд бүртгэгдэнэ.
• Өдөр бүр нөөц хуулбар хийнэ.

Таны эрх

Мэдээллээ харах, засуулах, зөвшөөрлөө цуцлах, бүрэн устгуулах эрхтэй. Холбоо барих: info@aiglobal.mn